2013年12月30日 星期一

廿一個月大


上個月係過得好開心的一個月,可能天氣開始無咁熱,多左帶個仔去公園玩,唔單止個仔開心,見到佢開心我都好開心。
說話方面,間中會有詞語,例如巴士,不過唔會自己講,係都要教佢講先肯講,單字就好多音都會自己發出。
有兩件事真係要紀錄低,第一件係,有日我放工返屋企,問佢返學開唔開心呀 (即係返playgroup開唔開心),佢即答「開心」,當時我真係喜出望外,開心係詞語,肯自己講都係極少有,而且由佢把口認同返playgroup開心,就證明當初我無揀錯呢間playgroup。我認為無論間playgroup口碑幾咁好,小朋友唔開心都無用。而事實上喺Bambino Montessori Home,阿仔亦學會自由都要有紀律,能自己選擇工作,亦學到不少新工作,性格上亦漸趨外向和有信心(有時見佢D表情仲有D囂張,激死!),不過佢實在太心急,例如次次落堂要排隊出課室,佢次次都係初初唔想走,但門一開就打尖要第一個出門口,由於佢生得比所有小朋友都要高大,所以一定能夠攝到第一,我唯有在日常生活教佢啦,例如次次搭巴士都教佢,我地要排隊先至可以上車。
第二件開心事是學會家人和自己的名字,呢樣係奶奶教的,問佢「XXX」係邊個,佢會答爸爸、媽媽、麻麻、爺爺或我,好得意架,我又唔知點解咁基本的事無諗過教佢,anyway,邊個教都好,識就開心。

2013年12月3日 星期二

二十個月大

呢個月蓮蓉包講野繼續進步,識講學(返學(playgroup)咁解),(飛機),花花(不太準),瓜瓜,門門,馬馬,教佢講士多啤梨會變成billybelli,超搞笑!

阿仔有對Crocspooh pooh涼鞋,一向都超鍾意對鞋,不過保護雙腳好些,我地多數會俾佢著Nike運動鞋,不過佢成日扭要著Crocs,仲鍾意到成日想把鞋子放入咀!  似乎佢開始有主見了,雖然大人們對住佢會頭痛,不過這就是成長的見證,都係開心咁接受。

有樣野一定要講,話說呢個月佢爸爸要公幹4&兩天全天候不在家,而第45天連爺爺麻麻都返大陸,得番我一個湊佢,搞到佢勁痴我,平時去playgroup都唔會喊,果兩日竟然唔肯入班房,老師夾硬抱佢入課室,佢喊左半個鐘! 搞到老師都問我呢兩日佢發生咩事,好明顯佢係好驚連我都走埋,所以死攬住我唔放啦,後來第6日見回麻麻就好少少,不過就成日叫爺爺,佢都係一個好鍾意親近人的小朋友。



呢個舀波+分類遊戲,玩到好似廚房佬咁,好得意!

2013年11月26日 星期二

Lunch@Mirror









今年anniversaryMirror慶祝,$148一位的價錢食到如此超水準的法國菜,真係要大力推介。


 此executive lunchappertizer, main course and tea/coffee,$45有甜品。

 
上桌的麵包熱乎乎,煙肉百吉較煙韌,牛油則顯得太淡味了


Appertizer我選了芹菜頭湯,是坊間少用的食材,一口湯放進嘴裡,芹菜的鮮味立刻捲著舌頭,湯頭磨得幼滑,灑上chives,令湯頭更添香氣。


老公討厭芹菜味,於是選了pouch egg with beetroot sauce salad,賣相非常驚喜,紅菜頭打成濃汁包裹整隻流心蛋,味道清新得很,配上frisee 菜沙律,令平凡的前菜顯得不平凡。


主菜我們選了紅酒燴牛肉,牛肋肉炆得軟腍而不散,火侯控制得宜,紅酒汁煮得超水準,濃濃的紅酒香,卻沒有油膩的感覺,亦沒有蕃茄的酸味,加上伴碟的南瓜蓉同吃,真想爬清所有汁落肚!


 我加了一個甜品,Pana Cotta,用了玻璃杯盛載,奶凍上舖上過份酸的raspberry sauce,上面灑了脆朱古力珠,還有少許木糠餅碎,造型非常精緻,只是raspberry sauce完全遮蓋奶凍的味道,是有點失望的。


 餐茶是Dilmah茶包,是比Twinings多了一丁點誠意。

這店子小,座位數量少,卻有種親切的舒適感,如果在灣仔區工作或居住,也值得一試。

2013年11月4日 星期一

十九個月大

成長進度:

呢個月進步左好多,識講阿姨,叔叔,肉肉,車車,拍拍,木木,papa,cake,糕糕,果果,識串珠,識扭部份樽蓋,開始學跑

玩大細聲,成日大聲嘩嘩叫,

識左呻鼻涕,以後支噴鼻鹽水就唔洗用LU

圖形拼圖終於可以獨立完成,而家練緊生果拼圖

試過一次完成Knob Cylinder,不過要我提水: “睇下,呢度好似鬆左D wor,會唔會放第二條木木呢?”

次次去playgroup都咬教學用的真生果,所以次次落堂都攞住個生果出課室,咬到唔咬就俾爸爸食,好好笑! 另外,佢都會分辦真假生果,好精架!

呢個月開始,表現出好想自己做事,自己出主意,別人不順從就會扭計,大人都要攞多D耐性出來。畢竟歲半係成長的一個里程碑,要培養佢獨立自信又會守規矩,就是從每天的生活學習,由細養成好習慣,而家辛苦少少都是值得,只怕越大越難教呢!

每天,蓮蓉包都好努力學生字,不要以為我們用閃卡,我們是極不主張用閃卡硬輸入生字,我們只是不斷從書本和生活物件重覆又重覆教佢生字,同佢傾計,例如圖書上有各式汽車,讀了一篇車名,然後出街搭巴士沿途見到咩車都講一次,有時佢見到貨櫃車和油罐車等較少見的大型車輛,都會格外興奮,愛車都是男孩子的天性呢

而家識講公公,婆婆,菠蘿,woh woh,貓貓,杯杯,波波,包包,hug hug