Lunch@Mirror

今年anniversary在Mirror慶祝,以$148一位的價錢食到如此超水準的法國菜,真係要大力推介。

 此executive lunch有appertizer, main course and tea/coffee,加$45有甜品。

 

上桌的麵包熱乎乎,煙肉百吉較煙韌,牛油則顯得太淡味了

Appertizer我選了芹菜頭湯,是坊間少用的食材,一口湯放進嘴裡,芹菜的鮮味立刻捲著舌頭,湯頭磨得幼滑,灑上chives碎,令湯頭更添香氣。

老公討厭芹菜味,於是選了pouch egg with beetroot sauce salad,賣相非常驚喜,紅菜頭打成濃汁包裹整隻流心蛋,味道清新得很,配上frisee 菜沙律,令平凡的前菜顯得不平凡。

主菜我們選了紅酒燴牛肉,牛肋肉炆得軟腍而不散,火侯控制得宜,紅酒汁煮得超水準,濃濃的紅酒香,卻沒有油膩的感覺,亦沒有蕃茄的酸味,加上伴碟的南瓜蓉同吃,真想爬清所有汁落肚!

 我加了一個甜品,是Pana Cotta,用了玻璃杯盛載,奶凍上舖上過份酸的raspberry sauce,上面灑了脆朱古力珠,還有少許木糠餅碎,造型非常精緻,只是raspberry sauce完全遮蓋奶凍的味道,是有點失望的。

 餐茶是Dilmah茶包,是比Twinings多了一丁點誠意。

這店子小,座位數量少,卻有種親切的舒適感,如果在灣仔區工作或居住,也值得一試。

十九個月大

成長進度:

呢個月進步左好多,識講阿姨,叔叔,肉肉,車車,拍拍,木木,papa,cake,糕糕,果果,識串珠,識扭部份樽蓋,開始學跑

玩大細聲,成日大聲嘩嘩叫,

識左呻鼻涕,以後支噴鼻鹽水就唔洗用LU

圖形拼圖終於可以獨立完成,而家練緊生果拼圖

試過一次完成Knob Cylinder,不過要我提水: “睇下,呢度好似鬆左D wor,會唔會放第二條木木呢?”

次次去playgroup都咬教學用的真生果,所以次次落堂都攞住個生果出課室,咬到唔咬就俾爸爸食,好好笑! 另外,佢都會分辦真假生果,好精架!

呢個月開始,表現出好想自己做事,自己出主意,別人不順從就會扭計,大人都要攞多D耐性出來。畢竟歲半係成長的一個里程碑,要培養佢獨立自信又會守規矩,就是從每天的生活學習,由細養成好習慣,而家辛苦少少都是值得,只怕越大越難教呢!

每天,蓮蓉包都好努力學生字,不要以為我們用閃卡,我們是極不主張用閃卡硬輸入生字,我們只是不斷從書本和生活物件重覆又重覆教佢生字,同佢傾計,例如圖書上有各式汽車,讀了一篇車名,然後出街搭巴士沿途見到咩車都講一次,有時佢見到貨櫃車和油罐車等較少見的大型車輛,都會格外興奮,愛車都是男孩子的天性呢

而家識講公公,婆婆,菠蘿,woh woh,貓貓,杯杯,波波,包包,hug hug

十八個月大

成長進度:

講野識講apple個蒲音,俾個蘋果佢,佢咬左啖,問佢係咩,佢識答 “ple”或 “果”,最搞笑係上playgroup Ms Ellen用真蘋果教小朋友認識生果,佢就極快手搶左咬左啖,笑左! 開始識tidy up,呢樣真係playgroup Ms Ellen的功勞,而家蓮蓉包如果玩玩下行左去,我地都會捉佢執玩具,希望佢由細就學會有手尾,同埋大人唔洗幫佢執玩具咁辛苦。另外在playgroup學識自己打開地墊,然後坐在地上玩,我一早都有張地墊俾阿仔,見佢在家都會用地墊,可以玩得更專注。

有次返playgroup學pouring water,雖然蓮蓉包係最細個嘅小朋友,但係就得佢玩完都唔濕身,真係有D喜出望外,其實唔係佢完成倒水工作,而係即使亂倒一通都設法唔整濕自己,似乎佢都係鍾意企理的。