廿三個月大

  

呢個月講野突飛猛進,開始講動詞,三個音出,例如媽媽..開,星星餅,粟米..要,去廁所,每晚他最愛的story time會學我講生字,我有時會讀英文或普通話,他竟然也咕嚕咕嚕的模仿,好搞笑,我唔會刻意用某種語言,但句子內不會夾雜兩種語言,他也學會蘋果是Apple,廚房是Kitchen。有時佢會自己一輪咀講不同沒有意思的音,好似在做口部練習,有時會食字,例如舒服晒講成舒晒,playgroup的Ms Sara叫ra ra,好搞笑,又會模仿我叫女麻女麻做奶奶。Overall,佢發音都幾準,聽過佢講野嘅人都覺得準呢!

在家的蒙特梭利訓練,開始給他玩 倒豆,黑豆、紅豆、花生、眉豆都試過,他會試驗不同豆倒出來的聲音和試不同速度,器具有量杯、水杯和大搪瓷水瓶,playgroup老師說蓮蓉包的手臂肌肉未ready用小水瓶,叫我們先讓他用大水瓶,唔怪得佢一用小奶壺便不能準確倒豆在杯中, 用大搪瓷水瓶就容易得多。每天蓮蓉包也嚷著要玩豆,非常喜歡呢! 

由於playgroup已教了他用刀,我也取出IKEA的兒童餐刀和牛油刀教他用,用兒童餐刀切香蕉,用牛油刀塗果醬在方包,雖然揸刀未控制得很好,不過我依然會俾機會佢試多D,就如俾佢自己食飯一樣。

我們也讓他體驗冷和熱,我家有麵包機,麵包焗好, 蓮蓉包嚷著要吃,我們便由他摸包,讓他知道出爐麵包好燙手,即時縮手和收聲,不過竟然摸到笑! 我們也讓他摸冰塊和吃雪糕,他不喜歡冷的感覺,所以放雪糕在他口中,他會吐出來,好得意。

日間小便的時間疏了,好多時更會表達要去廁所,有時明明是小便,便說「賴屎」,激死。今個月肯坐Potty,唔洗抱佢去廁所大便咁辛苦，可能佢大個左,唔會覺得會跌左落Potty掛,嘻嘻!

農曆新年前教他說吉利說話,恭喜發財(廣東話和普通話),新年快樂,身體健康,在家學識左,不過見到人唔肯主動講,要提佢講,從佢個樣得知佢warm up緊,少少怕生,所以唔出聲,我會抱或靠近佢,俾佢安全感,等一陣佢就會笑番或講番野,不過在家自己玩玩下無端端又會自言自語說恭喜發財。我們也有教他年花的名字和燈籠,最鍾意叫吉仔,唔鍾意叫菊花。